අග්‍රාමාත්‍ය රනිල් වික්‍රමසිංහ සිංගප්පුරුවට ගිය අවස්ථාවේදී, අර්ජුන් මහේන්ද්‍රන් නමැති පාසලේ අතිජාත මිත්‍රයාට කතාකර මෙරටට කැඳවාගෙන පැමිණීමට තිබුණු බව ආචාර්ය ප්‍රතිභා මහනාම හේවා මහතා පවසනවා. ඒ පාරිභෝගික අයිතිවාසිකම් සුරැකීමේ ජාතික ව්‍යාපාරය ඊයේ (19) පැවැත්වූ මාධ්‍ය සාකච්චාවකදීය.
“පත්කරනකොට හොදයි, මිසිං වෙද්දි ඔක්කොම ඉවරයි” යැයි පැවසූ ආචාර්යවරයා සිංගප්පුරුව සහ මෙක්ෂිකෝවට අන්තර්ජාතික පොලිසිය සමග ගිවිසුම් නොමැති බවත් එම නිසා මෙම රටවලට අන්තර්ජාතික පොලිසියට යාමට නොහැකි බවත් ඇමතිවරු “ඔන්න අර්ජුන් ඇල්ලුවා, මෙන්න ගෙනාව” යැයි පවසන්නේ නීතිය නොදැන බවත් ප්‍රකාශ කර සිටියා.
“මා අභියෝග කරනවා. ඔහුව අල්ලන්න බෑ. මේවට කිසිවක් වෙන්නේ නෑ. මේ ආර්ථික ගැටලුවට මුහුණ දෙන්න වෙන්නෙත් අහිංසක ජනතාවට” යැයි පැවසු ප්‍රතිභා මහානාම හේවා මහතා නඩුව පැවති සමයේදී අර්ජුන් මහේන්ද්‍රන්ට රටින් පැනයාමට අවස්ථාව සැලසීම වරදක් බවද සඳහන් කර සිටියා.