අග්‍රාමාත්‍ය රනිල් වික්‍රමසිංහට එරෙහිව ගෙන ඒමට යෝජිත විශ්වාසභංග යෝජනාව සඳහා ජනාධිපතිවරයාගේ පාර්ශවයේ දෙවැනි අත්සන තැබීම සඳහා අමාත්‍ය සුසිල් ප්‍රේමජයන්ත සුදානම් බව දේශපාලන ආරංචිමාර්ග සඳහන් කරයි.
ඊට අමතරව ශ්‍රීලනිපය නියෝජනය කරන තවත් ජේෂ්ට අමාත්‍යවරුන් කිහිපදෙනෙකු විශ්වාසභංගය සඳහා සහය ලබාදීමට අපේක්ෂාවෙන් පසුවන නමුත් විශ්වාසභංගයට පක්ෂයක් ලෙස පොදුවේ සහය පලකිරීමේ සුදානමක් තවමත් නොමැති බව එම පක්ෂයේ ආරංචිමාර්ග සඳහන් කර සිටියි.
මේ අතර අගමැතිවරයාට එරෙහිව ඒකාබද්ධ විපක්ෂය ගෙන එන විශ්වසභංග යෝජනාව සදහා තමත් අත්සන් කළ බව රාජ්‍ය අමාත්‍ය ටී.බී. ඒකනායක මහතා පෙරේදා මාධ්‍ය වෙත කියා සිටියේය.