මානව හිමිකම් උල්ලංඝනය කිරීම පිළිබඳව ආරක්‌ෂක හමුදා සහ රාජ්‍ය නිලධාරීන් වගකිවයුතු බවට ඇමෙරිකානු රජය මානව හිමිකම් සමුළුව වෙත ඉදිරිපත් කළ යෝජනාව ශ්‍රී ලංකා රජය පිළිගෙන ඇත.
මාර්තු 16 වැනි දා ජිනිවා මානව හිමිකම් සමුළුවට ඉදිරිපත්වන විශ්වකලානතිය සමාලෝචන වාර්තාවෙන් මේ බව අනාවරණය කර තිබේ.
එහෙත් මෙරට ජනතාවට මේ තොරතුරු වසන්වී තිබුණි.
මේ හැර මානව හිමිකම් උල්ලංඝනය කළ අයට නඩු පැවරිය යුතු බවට ආජන්ටිනාව ඉදිරිපත් කළ නිර්දේශය ද යෝජිත ආණ්‌ඩුක්‍රම ව්‍යවස්‌ථාව ඉදිරියට ගෙන යා යුතු බවට දකුණු අප්‍රිකාවේ නිර්දේශයද, යුද්ධය පැවැති සමයෙහි සිවිල් ජනතාවට එරෙහිව කරන ලද අපරාධ සඳහා පරීක්‍ෂණ කරන බවට සහතික කළ යුතු යයි ප්‍රංශ රජය ඉදිරිපත් කළ යෝජනාවද ශ්‍රී ලංකා රජය පිළිගෙන තිබේ.
එසේම දකුණු අප්‍රිකාව ඉදිරිපත් කළ සත්‍ය සෙවීමේ කොමිසමක්‌ ස්‌ථාපිත කළ යුතු බව දැක්‌වෙන නිර්දේශය ශ්‍රී ලංකාව පිළිගෙන ඇත.
කීර්ති වර්ණකුලසූරිය – දිවයින