අද ( 20) පැවති කැබිනට් මණ්ඩල හමුවට සුසිල් ප්‍රේමජයන්ත සහ දයාසිරි ජයසේකර අමාත්‍යවරුන් සහභාගී නොවූ බවට වාර්තා වෙයි.
අගමැති රනිල් වික්‍රමසිංහ මහතා එම ධුරයෙන් ඉවත් කිරිම වෙනුවෙන් දිගින් දිගටම පෙනී සිටි එම දෙදනා ආණ්ඩුවෙන් ඉවත්ව විපක්ෂයේ අසුන් ගන්නා බවටද රාවයක් පැවතිණි.
කෙසේ වෙතත් ශ්‍රී ලංකා නිදහස් පක්ෂයේ අනෙකුත් අමාත්‍යවරුන් මෙම කැබිනට් රැස්වීමට සහභාගි වී තිබිණි. ඊයේ දිනයේ දී ජනාධිපතිවරයා හමුවූ ශ්‍රීලිනප මන්ත්‍රීවරුන් තවදුරටත් ජනාධිපතිවරයා සමඟ එක්ව ආණ්ඩුවේ කටයුතු කර ගෙන යෑමට ඒකමතික තීන්දුවකට පැමිණ සිටින බව ඇමති එස් . බී දිසානායක මහතා මාධ්‍ය වෙත ප්‍රකාශ කර තිබිණි.