අර බළලුන් ලවා කොස් ඇට බාවනවා වගේ අගමැති රනිල් රට විකිනීමේ ව්‍යාපෘතිය ක්‍රියාත්මක කරන්නේ ශ්‍රී ලංකා නදහස් පක්ෂයේ ඇමතිවරුන් හරහා බව පිවිතුරු හෙළ උරුමයේ නායක උදය ගම්මන්පිල මහතා අද දින (30) බත්තරමුල්ල නෙළුම් මාවතේ පැවති ශ්‍රී ලංකා පොදුජන පෙරමුණේ මාධ්‍ය හමුවට එක්වෙමින් පැවසීය.
මෙහිදී අදහස් දැක්වූ මන්ත්‍රීවරයා,
අර බළලුන් ලවා කොස් ඇට බාවනවා වගේ අගමැති රනිල් රට විකිනීමේ ව්‍යාපෘතිය ක්‍රියාත්මක කරන්නේ ශ්‍රී ලංකා නදහස් පක්ෂයේ ඇමතිවරුන් හරහා. ජාතිය සතු වටිනාම සම්පත, තවත් වසර දහයකින් සිංගප්පූරු වරාය පරදවා ආසියාවේ හොදම වරාය බවට පත්වීමට නියමිත මාගම්පුර වරාය වසර 99 කට චීනයට දුන්නා. කවුද වරාය භාර ඇමති. ශ්‍රී ලංකා නිදහස් පක්ෂයේ මහින්ද සමරසිංහ ඇමතිතුමන්.
මත්තල ගුවන්තොටුපල වසර වසර 35 කට ඉන්දියාවට ලබාදීමට දැන් සියළු සැලසුම් හදලා ඉවරයි. කවුද ගුවන් සේවා භාර අමාත්‍යවරයා. ශ්‍රී ලංකා නිදහස් පක්ෂයේ නිමල් සිරිපා ද සිල්වා ඇමතිතුමන්.
ඒ වගේම අර හිගණ බංගලිදේශයට මහඉළුක් පල්ලම බීජ පර්යේෂණ ආයතනය මම දන්න දීර්ඝතම බදු ගිවිසුම වන වසර 150 ක බදු ගිවිසුමක් හරහා බදු දීමට මේ වන විට සාකච්ඡා කරමින් යනවා. කවුද කෘෂීකර්මාන්ත ඇමති. ශ්‍රී ලංකා නිදහස් පක්ෂයේ මහලේකම් දුමින්ද දිසානායක මහතා.
ඒඅනුව එක්සත් ජාතික පක්ෂය ඉතාම සූක්ෂම අයුරින් ශ්‍රී ලංකා නිදහස් පක්ෂය භාවිතා කරමින් තමයි මේ රට විකිණීමේ ප්‍රථිපත්තිය ඉදිරියට ගෙනයන බව මන්ත්‍රීවරයා වැඩිදුරටත් ප්‍රකාශ කළේය.