උතුරේ දිස්ත්රික්ක හතරක යුද හමුදාව විසින් පරිහරණය කරනු ලබන තවත් ඉඩම් අක්‌කර 900 ක් පමණ පෙබරවාරි මස මුල් සතියේදී ආපසු එම ඉඩම්වල අයිතිකරුවන් වෙත භාරදීමට යුද හමුදාව පියවර ගෙන තිබේ.
මන්නාරම, කිළිනොච්චිය, මුලතිව් හා යාපනය යන දිස්‌ත්‍රික්‌කවල පිහිටි මෙම ඉඩම් මෙතෙක්‌ නිදහස්‌ කිරීමට ප්‍රමාද වූයේ යුද හමුදාවට විකල්ප ඉඩම් සොයා ගැනීමට කාලය ගතවීම නිසා බව යුද හමුදාපතිවරයා ප්‍රකාශ කොට තිබේ.
යුද හමුදාව ඉවත්වන ඉඩම් මුලින්ම ඒ ඒ දිස්‌ත්‍රික්‌කවල දිසාපතිවරුන් වෙත භාර දෙන අතර ඉන් පසුව එම නිලධාරීන් විසින් ඉඩම්වල අයිතිකරුවන් සොයා බාරදීමට නියමිතය.
යුද හමුදාව මෙම ඉඩම් උත්සවශ්‍රීයෙන් යුතුව දිසාපතිවරුන්ට බාරදීමට මේ දිනවල කටයුතු සූදානම් කරගෙන යයි.
-දිවයින