කාන්තාවන්ට මත්පැන් මිලදී ගැනීමට තිබූ තහනම ඉවත්කරමින් මත්පැන් විකිණීමට අදාළව තිබූ ඇතැම් නීති ලිහිල් කරමින් මුදල් හා ජනමාධ්‍ය අමාත්‍ය මංගල සමරවීර මහතා ඉදිරිපත් කළ චක්‍ර‍ලේඛය අවලංගු කරනු ලැබුවේ එය ශ්‍රී ලංකාවේ කාන්තා සමාජට සහ සංස්කෘතියට නොගැළපෙන නිසා බව සම කැබිනට් ප්‍රකාශක අමාත්‍ය දයාසිරි ජයසේකර මහතා පෙරේදා (17) පැවැසීය.
කැබිනට් තීරණ දැනුම්දීමේ මාධ්‍ය හමුවට එක්වෙමින් අමාත්‍යවරයා එම අදහස් පැවැසීය.
මුදල් අමාත්‍යවරයාගේ මෙම චක්‍ර‍ලේඛය නිසා රජයට විශාල අපකීර්තියක් සිදුවූ බවද හෙතෙම කීවේය. කැබිනට් මණ්ඩලය දැනුවත් නොකර මෙම තීරණය ගෙන තිබූ බවත් ගම්වල සිටින බොහෝ කාන්තාවන්ද මෙම තීරණය නිසා අපහසුතාවට පත්වූ බවත් හෙතෙම කීවේය.