Colombo Today Local News

“ශ්‍රීලනිප – ඒකාබද්ධය එක්වීමට ඔළමොට්ටලයන් දෙදෙනෙක් ඉඩ දෙන්නේ නෑ” – දයාසිරි

ශ්‍රීලනිපයට සහ ඒකාබද්ධ විපක්ෂයට එක්වීමට නොදී දෙදෙනෙක් ඔළමොට්ටල ලෙස කටයුතු කරන බවත් ඔවුන්ගේ නම් ඉදිරියේදී හෙළි කරන බවත් ක්‍රීඩා අමාත්‍ය දයාසිරි ජයසේකර මහතා පැවැසීය.

ඔහු එසේ පැවසුවේ ඊයේ (06දා) ප්‍රවෘත්ති දෙපාර්තමේන්තුවේදී පැවැති කැබිනට් තීරණ දැනුම්දීමේ මාධ්‍ය හමුවට එක් වෙමින්ය.

“අපි අපේ අත දිගු කිරීම සිදු කොට තිබෙනවා. නමුත් වෙනම පක්ෂ හදන්න කියලා කවුරුත් කිව්වෙ නැහැ. මහින්ද රාජපක්ෂ මැතිතුමත් එකට එකතු වෙලා වැඩ කරන්න කැමැතියි. මෛත්‍රිපාල ජනාධිපතිතුමත් කැමැතියි. ඒත් මෙතැන සිටින දෙන්නෙක් මේකට විරුද්ධයි. ඒ වගේම දිනේෂ් ගුණවර්ධන මැතිතුමා ඇතුළු නායකයො එක්සත් ජනතා නිදහස් සන්ධානය තුළ ඉන්නවා. අපි ශ්‍රී ලනිප මධ්‍යම කාරක සභාව තීරණයක් ගත්තා ශ්‍රී ලනිප මන්ත්‍රිවරු ශ්‍රී ලනිප අපේක්ෂකයන් දිනවීම හැර වෙනත් පක්ෂයක අපේක්ෂකයන් දිනවීමට ක්‍රියා නොකළ යුතුයි කියලා.

මේ මැතිවරණයෙන් පළාත් පාලන ආයතනයක බලය පිහිටුවන්න නම් 60%ක්වත් දිනන්න ඕන. අපි ගණන් හදපු විදියට එහෙම ජයගන්න බැහැ. ඒ නිසා අනිවාර්යයෙන් එකතුවෙලා තමයි ආණ්ඩු පිහිටුවන්න වෙන්නෙ.

මැතිවරණයක් ඇතුළෙ විශාල අර්බුද ඇති වෙනවා. ඒත් අපේ දෑත් අපි දිගු කරලා තියෙනවා. අපි ශ්‍රී ලනිප අත ලකුණින් තරග කරනවා. ඒත් සමහර ප්‍රදේශවලට බුලත් කොළය යටතේත් තරග කිරීමට බලාපොරොත්තු වෙනවා. ශ්‍රී ලනිපයට හා ඒකාබද්ධ විපක්ෂයට එකතු වෙනව නම් එකතු වෙන්න තිබුණා. නමුත් ඔවුන් කිව්වා ආණ්ඩුවෙන් ඉවත් වෙන්න කියලා.” යැයිද දයාසිරි ජයසේකර අමාත්‍යවරයා එහිදී කියා සිටියේය.

Related posts

ජාතික ආරක්ෂාවට තර්ජන දෙකක්! ජනපතිගෙන් විශේෂ ප්‍රකාශයක්

colombotoday

ලංගම බස් රථවල ටිකට් ගන්න අලුත් ක්‍රමයක්

Admin

නව ව්‍යවස්ථාව ගැන අගමැති රනිල්ගෙන් ඉන්දීය අගමැති මෝදිට පොරොන්දුවක් !

colombotoday

මීගමුව බන්ධනාගාරයට හොරබඩු විසිකළ කත අල්ලයි

colombotoday

පොල් තෙල් වලට ෆාම් තෙල් මිශ්‍ර කර විකිණීමේ මහා පරිමාණ ජාවාරමක් – පාරිභෝගික අයිතීන් සුරැකීමේ ජාතික ව්‍යාපාරය

colombotoday

මහජන මන්ත‍්‍රණ සභාවට ගිය ආණ්ඩුවේ හවුල් පක්ෂ නායකයින්ට එරෙහිව විනය පරීක්ෂන !

colombotoday