ශ්‍රී පාදස්ථානය “ගෞතම ශ්‍රී පාදස්ථානය” ලෙස නම් කිරීමට බෞද්ධ කටයුතු අමාත්‍ය ගාමිණී ජයවික්‍රම පෙරේරා මහතා එකඟතාව පළකොට තිබේ.
ඇමැතිවරයා එසේ එකඟතාව පළකොට තිබෙන්නේ ශ්‍රී පාදස්ථානාධිපති අතිපූජ්‍ය බෙංගමුවේ ධම්මදින්න නායක ස්වාමීන් වහන්සේ කළ ඉල්ලීමකටය. ජාත්‍යන්තර වශයෙන් “ඇඩම්ස් පීක්” ලෙස හඳුන්වන ශ්‍රී පාදස්ථානය ඉදිරියට “ගෞතම ශ්‍රී පාදස්ථානය ලෙස නම් කරදෙන ලෙස තමන්වහන්සේ ඇමැති ජයවික්‍රම පෙරේරා මහතාගෙන් කළ ලිඛිත ඉල්ලීමකට අනුව එය ඉටුකර දීමට ඇමැතිවරයා එකඟවූ බව නාහිමියෝ පවසති.
මෙවර වන්දනා වාරයේ වන්දනාකරුවන්ට පහසුකම් පැපයීම පිළිබදව (02) වෙනිදා රත්නපුර දිස්ත්‍රික් ලේකම් කර්යාලයේ පැවති සාකච්ඡාවකදී ධම්මදින්න නාහිමියෝ මේ බව කියා සිටියේය.