මේ මස 2 වෙනිදා වනවිට සම්පූර්ණයෙන්ම විසුරුවා හැර ඇති පලාත් සභා තුනේ හිටපු මහ ඇමතිවරුන් විසින් මෙතෙක් ආණ්ඩුවට භාර නොදි වාහන 132 ක් තමන්ගේ පෞද්ගලික පරිහරණය සඳහා පාවිච්චි කරමින් සිටින බවට චෝදනා එල්ල වෙයි.
උතුරු මැද මහ ඇමති පේෂල ජයරත්න වාහන 48ක්ද, සබරගමු මහ ඇමති මහීපාල හේරත් වාහන 46ක් ද, නැගෙනහිර මහ ඇමති නසීර් අහමඩ් වාහන 38 ක්ද වශයෙන් නැවත බාර දී නැති බවට අන්තර්ජාල මාධ්‍ය වාර්තා පල වෙයි.
ආණ්ඩුවේ හෝ පලාත් සභාවේ කිසිම තනතුරක් නොදරන මෙම පුද්ගලයින් රජයේ පොදු දේපල අවභාවිතයේ යෙදෙවීමක යෙදී සිටින බවත් පොදු දේපල පනත මත මොවුන් ඕනම අවස්ථාවක අත් අඩංගුවට ගෙන ඇප නොදි රිමාන්ඩ් භාරයේ තබා ගත හැකි බැව් මැතිවරණ නිරීක්ෂණ කණ්ඩායම් පවසති.
ඒ අනුව ඉදිරියේදී අදාළ අංශ වෙත පැමිණිලි කිරීමට මැතිවරණ නිරීක්ෂණ කණ්ඩායම් බලාපොරොත්තු බව ආරංචි මාර්ග සඳහන් කරයි.