ඓතිහාසික රුහුණු කතරගම මහා දේවාලයේ අද (22) අලුයම ඇතිවූ නොසන්සුන්කාරී තත්ත්වයක් හේතුවෙන් සාම්ප්‍රධායිකව පැවැත්වෙන අලුයම පූජාවද අත්හිටුවා ඇති බවට වාර්තා වනවා.
බස්නායක නිළමේවරයා හා කපුමහත්වරුන් අතර ඇතිව තිබෙන ආරවුලක් දුරදිග යෑම මෙම තත්ත්වයට හේතු වී ඇති බවයි සදහන් වන්නේ. දේවලයේ ප්‍රධාන කපුමහතා මාධ්‍ය වෙත අදහස් දක්වමින් ප්‍රකාශ කළේ දේවාලය විවෘත කිරීමට යාමේදී බස්නායක නිළමේවරයා විසින් යතුර පැහැරගෙන ගිය බවයි.
තත්ත්වය පාලනය කිරීම සදහා පොලිස් නිලධාරීන්ද කැදවා ඇත. කතරගම මහ දේවාලයේ දේව පූජාව අත්හිටුවීමට සිදුවූ අවස්ථාවක් මින් පෙර සිදුවී නොමැති බවද පැවසේ.