එජාප මන්ත්‍රීවරයකු වන අධිකරණ හා බුද්ධ ශාසන ඇමැති විජයදාස රාජපක්ෂ මහතා එම ධුරයෙන් ඉවත් කිරීමට තම පක්ෂය තීරණය කල බව අගමැති රනිල් වික්‍රමසිංහ මහතා ඊයේ (21) රාත්‍රී ජනාධිපති මෛත්‍රීපාල සිරිසේන මහතාට දැනුම් දී තිබේ.
ඒ අනුව, අමාත්‍ය විජේදාස රාජපක්ෂ මහතා සම්බන්දයෙන් තීරණයක් ගැනීමට ජනාධිපති මෛත්‍රීපාල සිරිසේන මහතා සහ අග්‍රාමාත්‍ය රනිල් වික්‍රමසිංහ මහතා අතර විශේෂ හමුවක් අද (22) උදෑසන පැවැත්වේ.
විජයදාස රාජපක්ෂ මහතාට එම ධුරයෙන් ඉවත්වීමට ඊයේ (21) තෙක් කල් දී තිබූ නමුත් රාජපක්ෂ මහතා එම ධුරයෙන් ඉල්ලා අස්නොවූ හෙයින් ඒ මහතා ඉවත් කිරීමට අදාළ ලිපියක් ද අගමැතිවරයා විසින් අද උදෑසන ජනාධිපතිවරයා වෙත භාර දෙනු ඇතැයි ආරංචි මාර්ග සදහන් කරයි.