‘සයිටම්‘ නම් අවජාතක දරුවා බිහිකළේ පැවති ආණ්ඩුව බවත්, එයට සුජාතභාවය ලබා දීම මේ ආණ්ඩුවේ වගකීම බවත්, අධ්‍යාපන ඇමති අකිල විරාජ් කාරියවසම් මහතා පවසයි.
ඊයේ (04) කොළඹ පැවති උත්සවයකට සහභාගී වෙමින් ඇමතිවරයා මේ බව පැවසීය.
“සමහර සංවිධාන සයිටම් ප්‍රශ්නය අල්ලාගෙන වැඩවර්ජන රැල්ලක් ක්‍රියාත්මක කරන්න යනවා. මාධ්‍යවලින් අපි දැක්කා. 2015 මැතිවරණය අපි ජයග්‍රහණය කරලා මේ වෙනකොට අවුරුදු දෙකක් වත් තව ගත වුණේ නැහැ. මේ ආණ්ඩුව අවුරුදු පහකට පත් වුණේ.
මේ ආණ්ඩුව පෙරළන්න දේශපාලන න්‍යාය පත්‍රවලට අද වැඩවර්ජන ක්‍රියාත්මක කරන්න සමහරු උත්සාහ ගනිමින් ඉන්නවා. බලයෙන් ඇත් වෙලා විපක්ෂයේ වැඩි කල් ඉන්න බැරි බලලෝභී දේශපාලඥයන් තමයි මේ විදියට කටයුතු කරන්නෙ.
මේ වැඩවර්ජන රැල්ල සයිටම් ආයතනයේ ප්‍රශ්නයක් විදියට අපි දකින්නේ නැහැ. මේක වෙනත් විදියකින් එන රැල්ලක්.“ යැයිද ඇමතිවරයා පැවසීය.