එක්සත් ජනතා නිදහස් සන්ධාන පාර්ලිමේන්තු මන්ත්‍රී මහින්දානන්ද අලුත්ගමගේ විසින් බ්‍රිතාන්‍යය යේ ලන්ඩන් නගරයෙන් ස්ටර්ලින් පවුම් 320.000කට නිවසක් මිලදී ගැනීමේ සිද්ධියක් සම්බන්ධයෙන් වූ ලිපි ලේඛන පොලිස් මූල්‍ය අපරාධ කොට්ඨාසයට බාර දෙන බව සමාජ සේවා හා සමාජ සුබසාධන අමාත්‍ය රන්ජන් රාමනායක මහතා පාර්ලිමේන්තුවේදී පැවසීය.
අදාල ලිපි ලේඛන තම මිතුරෙකුගේ මාර්ගයෙන් බ්‍රිතාන්‍යය යේ ඉඩම් අමාත්‍යාංශයෙන් ලබාගත් බව රන්ජන් රාමනායක මහතා කියයි. 2008 සැප්තැම්බර් මස 09 වැනිදා අඹන්පොළගේ ආශා විජයන්ති අලුත්ගමගේ සහ මහින්දානන්ද අලුත්ගමගේ යන නමින් මෙම නිවස මිලදී ගෙන ඇතැයිද නියෝජ්‍ය ඇමතිවරයා පැවසීය.
ස්ටර්ලින් පවුම් 320.000කට මිලදී ගත් නිවස ස්ටර්ලින් පවුම් 470.000කට පසුව විකුණා තිබෙන බවද හෙතෙම ඊයේ (05) දා සදහන් කළේය.