නව ව්‍යවස්ථාවක් සදහා පවත්වන ජනමතවිචාරණයකින් මේ මොහොතේ කිසි ලෙසකින්වත් ජයගත නොහැකි බවට ජනාධිපතිවරයා වෙත ඉදිරිපත් කර තිබෙන විශේෂඥ වාර්තාවකින් ප්‍රකාශ කර තිබේ.
එම කරුණු සැලකිල්ලට ගනිමින්, විධායක ජනාධිපති ධුරය අහෝසි කෙරෙන නව ව්‍යවස්ථාවක් සදහා හෝ ජනම විචාරණයක් පැවැත්වීම සම්බන්ධයෙන් ශ්‍රීලනිප යේ සියළු පාර්ශව දක්වන විරෝධතාවය නිසා ජනමත විචාරණයකට නොගොස් පාර්ලිමේන්තුව හරහා සිදුකල හැකි උපරිම සංශෝධන ක්‍රියාත්මක කිරීමට ජනාධිපතිවරයා තීරණය කර ඇති බවද වාර්තා වේ.
මේ අනුව මේ වන විට නව ආණ්ඩුක්‍රම ව්‍යවස්ථාවක් සම්පාදනය කිරීම සඳහා පත් කළ මෙහෙයුම් කමිටුවෙන් ඒ සඳහා යෝජනා ඉල්ලා සිටීමට ශ්‍රීලනිපය තීරණය කර ඇත.