ඉරාකයේ මොසුල් නගරයට රසායනික අවි ප්‍රහාරයක් එල්ල වී තිබේ.විදෙස් මාධ්‍ය වාර්තා කරන්නේ මෙම ප්‍රහාරයෙන් පුද්ගලයින් 12 දෙනෙකු තුවාල ලබා ඇති බවයි.
ජාත්‍යන්තර රතු කුරුස සංවිධානයේ වෛද්‍යවරයෙකු විසින් සිදුකළ නිරීක්ෂණයකදී එය රසායනික අවි ප්‍රහාරයක් බවට තහවුරු කරගෙන ඇති බව සඳහන්ය.
ප්‍රහාරයෙන් 11 හැවිරිදි දරුවෙකු සහ මසක් වයසැති බිළිඳෙකු ද තුවාල ලැබූවන් අතර වන බව විදෙස් මාධ්‍ය වාර්තා කරයි.
ප්‍රහාරයට යොදාගෙන ඇති රසායනික ද්‍රව්‍ය කුමක්ද පිළිබඳව මෙතෙක් නිශ්චිතව අනාවරණය කරගෙන නොමැති බව වාර්තා වෙයි.
ප්‍රහාරය අයි.එස් සංවිධානය විසින් එල්ල කරන ලද්දක් බවට තහවුරු වී තිබේ.