2017 අයවැය යෝජනා ගණනාවක් අද (01) දා සිට බලාත්මක වනවා.
සියළු අධිවේගී මාර්ගවල ගාස්තු අද සිට සංශෝධනය වන අතර රාත්‍රී 9.00 සිට අළුයම 5.00 දක්වා කාලයේදී එම මාර්ගවල අය කෙරෙන ගාස්තු රුපියල් 50කින් අඩු වනවා.
2017 අයවැයෙන් යෝජනා කෙරුණු පරිදි එළවළු සහ පළතුරු කර්මාන්තකරුවන් සඳහා සියයට 50ක ණය පොලී සහනාධාරයද අද සිට බලාත්මකයි.
ඉදිකිරීම් කර්මාන්තයට අදාළ සියයට 25ක සෙස් බද්දද අද සිට ඉවත් වනවා.
පාසල් සිසුන් සඳහා වන රුපියල් ලක්ෂ දෙකක රක්ෂණාවරණය එ්වායින් එකක්. නොමිලයේ ලබාදෙන මෙම රක්ෂණාවරණයෙන් රෝහල් ගත වීම සඳහා රුපියල් ලක්ෂයක උපරිමයක් දක්වාද බාහිර ප‍්‍රතිකාර සඳහා රුපියල් දස දහසක උපරිමයක් දක්වාද පාසල් සිසුන්ට ප‍්‍රතිලාභ ලැබෙනු ඇති.
රජයේ රෝහල්වලට ඇතුළත් වන රෝගීන්ගේ රුධිර පරීක්ෂණ පෞද්ගලික අංශයෙන් සිදු කිරීමද අද සිට තහනම් වනවා.
ආනයනික සීනි සඳහා සියයට දෙකක සෙස් බද්දක් සහ එතනෝල් සඳහා සියයට 5ක සෙස් බද්දක්ද අද සිට පැනවෙනු ඇත.