දිවයින පුරා ඇති ග්‍රාම සේවක වසම් 14029කින් නොවැම්බර් 01 වැනිදා වන විට ග්‍රාම සේවා වසම් 3600ක පිහිටුවා ඇති ශාඛා සමිතිවල බලය නව බලවේගයට හිමිව ඇති බව හිටපු අමාත්‍ය බැසිල් රාජපක්ෂ මහතා පවසයි.
නව පක්ෂය ලියාපදිංචි වීමත් සමගම නව වැඩපිළිවෙල වේගවත් වූ බවත් නොවැම්බර් 15 වැනිදා වන විට 12,000 ඉලක්කය පසු කිරීමට හැකියාවක් ඇති බවත් හෙතෙම අවධාරණය කළේය.
ඔහු මේ අදහස් පළ කළේ ගම්පහ ප්‍රදේශයේ පැවති වැඩසටහනකින් අනතුරුව මාධ්‍යයට අදහස් දක්වමිනි. ශ්‍රී ලංකා පොදුජන පෙරමුණ නව පක්ෂය පිහිටුවාගැනීමෙන් පසු පාක්ෂිකයින් දැනුවත් කිරීමේ පළමු වැඩසටහන හිටපු ජනාධිපති මහින්ද රාජපක්ෂ මහතාගේ ප්‍රධානත්වයෙන් ගම්පහ, උඩුගම්පොළ රෙජීරණතුංග සම්මන්ත්‍රණ ශාලාවේදී පැවැත්විණි.