ශ්‍රී ලාංකිකයෙකුට වීසා ලබා දීමේදී ඔහු ශ්‍රී ලංකාව නියෝජනය කරන්නේද, නැතහොත් ශ්‍රී ලංකා රාජ්‍ය නියෝජනය කරන්නෙක් ද යන්න විමසීමට ඇතැම් රටවල් කටයුතු කරමින් සිටින බව හිටපු ජනාධිපති මහින්ද රාජපක්ෂ මහතා පවසයි.
ඔහු මෙසේ පවසා සිටියේ ඊයේ (14) කොළඹ දී පැවති උත්සවයකින් පසුව මාධ්‍ය හමුවේ අදහස් දක්වමිනුයි.
“මේ දෙගොල්ලොම එකතු වෙලා රටට කරන සේවය මොකක්ද?. එක්කො මේක රනිල්ට බාර දෙන්න ඕනේ.. නැත්නම් මෙයා කරන්න ඕනේ.. එයා කියන දේ මෙයා කරන්නෙ නැහැ.. මෙයා කියන දේ එයා කරන්නෙ නැහැ.. කැබිනට් මණ්ඩලය වෙනම දේවල් කරන්නෙ.. සමහර වීසා එකේ ශ්‍රී ලංකාවද ඊළාම් රජ්‍යටද ඔබ අයිතිවෙන්නෙ කියලා අහලා තියෙනවා. මේවා අද මාධ්‍ය තුළින් කතා කරන්නෙ නැහැ.. මොකද එයාලා බයයි ලයිසන් එක කැන්සල් වෙයි කියලා.” යනුවෙන්ද හිටපු ජනාධිපතිවරයා එහිදී ප්‍රකාශ කර සිටියා.