දවටගහ මුස්ලිම් පල්ලියේ පිං කැටයකින් රුපියල් 20ක් සොරකම් කිරීමේ චෝදනාවට වැරදිකරු බව පිළිගත් මාලිගාවත්තේ පදිංචිකරුවකු වන මොහොමඩ් ෆාරුක් මොහොමඩ් නිලාම් ට වසරක සිරදඬුවමක් නියමකොට තිබෙනවා. ඒ කොළඹ ප්‍ර‍ධාන මහේස්ත්‍රාත් ගිහාන් පිලපිටිය මහතා විසින්.
මෙම සිර දඬුවම වසර 10කට අත්හිටුවා ඇති අතර, සොරකම සිදුව ඇත්තේ 2015 ජුලි 27 දින හෝ ආසන්න දිනක බවයි කුරුඳුවත්ත පොලිසිය අධිකරණයට වාර්තා කර ඇත්තේ.
නඩු භාණ්ඩ වශයෙන් රුපියල් දහයේ කාසියක්, නෝට්ටුවක් සහ කෝටු කැබැල්ලක් ඉදිරිපත්කර තිබුණා. පුද්ගලයින් සිව් දෙනෙකු මේ සම්බන්ධයෙන් සාක්ෂි දී තිබෙනවා.