අපි ඔක්කොම එකම ලේ යන තේමාව යටතේ අද සවස කොළඹ බෞද්ධාලෝක මාවතේ රූපවාහිනී සංස්ථාව ඉදිරිපිටදී විරෝධතාවක් පැවැත්වීමට සූදානම් වන බව වාර්තා වනවා.
මෙය සංවිධානය කර ඇත්තේ විවිධයි ඒත් සමානයි නමින් හැදින්වෙන සංවිධානයක් විසින්. මුස්ලිම් ජනතාවට එරෙහිව සිදුවන අන්තවාදී ක්‍රියාවන්ට සහ, සමලිංගික නිදහසට එරෙහිව සිදුවන ක්‍රියාකාරම්වලට වි‍රෝධය දක්වමින් සමානාත්මතාවය තහවුරු කරන ලෙස බලකරමින් මෙම විරෝධතාව පවත්වන බවයි ඔවුන් සදහන් කරන්නේ.
මෙම සංවිධානය සදහා රාජ්‍ය නොවන සිවිල් සංවිධාන ක්‍රියාකාරීන් පිරිසක් සහය දක්වන අතර, මාළිගාවත්තේ සිට ක්‍රියාත්මක වන ඉස්ලාමීය රාජ්‍ය නොවන සංවිධානයකද අනුග්‍රහය ලැබී ඇති බවට තොරතුරු වාර්තා වනවා.
මේ පිළිබදව අදහස් දක්වමින් සිංහලේ ජාතික බලමුළුවපැවසුවේ, මුස්ලිම් අන්තවාදය, බෙදුවාදය එළි පිට ක්‍රියාත්මක වෙමින් තිබියදී, ඒවා පිළිබද කටක් නාරීන මොවුන්, අන්තවාදය සාධාරණිකරණය කරමින් අන්තවාදය වෙනුවෙන් මෙලෙස පෙනී සිටීම නිර්ලැජ්ජිත කරුණක් බවයි. දෙකෙන් එකක් බලාගැනීමට තමන්ද එම ස්ථානයට යන බවද එම සංවිධාන ක්‍රියාකාරීන් අවධාරණය කළා.