Colombo Today Local News

කොළඹ – මහනුවර අධිවේගීයේ කොටසක් 28 වනදා ජනතා අයිතියට

කොළඹ – මහනුවර අධිවේගී මාර්ගයේ මීරිගම සිට කුරුණෑගල දක්වා කොටස ජනාධිපති ගෝඨාභය රාජපක්ෂ සහ අගමැති මහින්ද රාජපක්ෂ යන මහත්වරුන් ගේ ප්‍රධානත්වයෙන් ලබන 28 වැනි දා විවෘත කිරීමට නියමිත ව ඇත.

කිලෝමීටර් 40.91ක දිගින් යුත් මෙම කොටස මංතීරු හතරකින් සමන්විත වේ.

මීරිගම සිට කුරුණෑගල දක්වා කොටස ආ අන්තර් හුවමාරු මධ්‍යස්ථාන පහකින් සමන්විත වන අතර,මීරිගම,නාකලගමුව, දම්බොක්ක, කුරුණෑගල සහ යග්ගපිටිය යන ස්ථානවල එම අන්තර් හුවමාරු මධ්‍යස්ථාන පිහිටුවා ඇතැයි ව්‍යාපෘති අධ්‍යක්ෂ ඉංජිනේරු අනුර කෙහෙල් ඇල්ල මහතා පුවත් පතකට පවසා තිබේ.

ඉකුත් 2017 වසරේදී වැඩ ආරම්භ කරන ලද මෙම අධිවේගී මාර්ග කොටස ඉදිකිරීම සඳහා දේශීය බැංකු ණය අරමුදල් යටතේ රුපියල් කෝටි 13,700 ක පමණ මුදලක් වැය කර ඇතැයි ද ඔහු සඳහන් කර ඇත.

කොළඹ- මහනුවර අධිවේගී මාර්ගය ඉදිකිරීමේ කටයුතු අදියර තුනක් යටතේ සිදුවන අතර,මෙලෙස ලබන 28 වැනි දා විවෘත කෙරෙන්නේ එහි දෙවැනි අදියර බව බව ඔහු පවසා සිටි. කඩවත සිට මීරිගම දක්වා කොටස එහි පළමු අදියර වන අතර,එහි දිග කි මී 37.09ක් වේ.

පොතුහැර සිට ගලගෙදර දක්වා කොටස එහි තෙවන අදියර වන අතර, එහි දිග කිලෝමීටර් 32.5 ක් වේ. එම අදියර දෙකේ කටයුතු ලබන 2024 දී නිම කිරීමට අපේක්ෂා කරන බව මාර්ග සංවර්ධන අධිකාරිය වැඩි දුරටත් සදහන් කර ඇත.

Related posts

දේශපාලන වෙනස් වීමට හමුදාව මැදිහත් වෙන්නේ නෑ. ජනපතිගේ නියෝගය පිළිපදිනවා. යුද හමුදාපති කියයි

colombotoday

හිටපු රාජ්‍ය බුද්ධි ප්‍රධානියාගෙන් පැය 152කට අධික කාලයක් ප්‍රශ්න කරයි

colombotoday

බදියුදීන් අයිය මලෝගේ ජාවාරමෙන් ලංකාවේ ගම්මිරිස් කර්මාන්තය හාන්සියි…

colombotoday

නව අග්‍රාමාත්‍ය වරයා ලෙස රනිල් වික්‍රමසිංහ දිවුරුම් දෙයි

colombotoday

කොරෝනා ආසාදනය වු දෙදෙනා ඇසුරු කළ 65 ක් හදුනාගැනේ !

colombotoday

තෙල් හිදින්න පොල් මද පිටරටින්..

colombotoday