අතුරුදන් වූවන් සම්බන්ධයෙන් වූ කාර්යාලය ස්ථාපිත කිරීමේ පනත පාර්ලිමේන්තුවේ සම්මත වීම විශාල ජයග්‍රහණයක් බව දිවයිනට පැමිණ සිටින නෝර්වේ අග්‍රාමාත්‍ය අර්නා සොල්බර්ග් මහත්මිය පවසයි.
ඇය මේ බව ප්‍රකාශ කර සිටියේ ද්‍රවිඩ ජාතික සන්ධාන මන්ත්‍රීවරුන් සමග පැවති සාකච්ඡාවකදීය.
දෙමළ ජාතික සන්ධානය නියෝජනය කරමින් විපක්ෂ නායක ආර්.සම්බන්ධන්, පාර්ලිමේන්තු මන්ත්‍රී එම්.ඒ සුමන්තිරන් මහතා ඇතුළු නියෝජිතයින් පිරිසක් එම අවස්ථාවට එක්ව සිටි බව වාර්තා වෙයි.
මීට අමතරව දෙරටට වැදගත් වන කරුණු රැසක් පිළිබදව සාකච්ඡා කර ඇති අතර උතුරේ ඉඩම් යළි එම ජනතාව සඳහා ලබාදීම සම්බන්ධයෙන් සාකච්ඡා කර ඇති බව වාර්තා වෙයි.