උතුරේ විශ්වවිද්‍යාල සදහා පිට පළාත්වල සිසුන් වැඩි වශයෙන් බදවා ගැනීම බරපතල ප්‍රශ්නයක් බවත්, ඔවුන්ගේ සංස්කෘතීන් උතුරු භුමියේ තහවුරු කරන්නට වෙර දැරීම අනුමත කළ නොහැකි බවට උතුරු පළාත් ප්‍රධාන අමාත්‍ය සී.වී. විග්නේශ්වරන් සහ විපක්ෂ නායක වී. තවරාසා විසින් ඒකාබද්ධ නිවේදනයක් නිකුතු කරමින් සදහන් කර සිටී.
යාපනය විශ්ව විද්‍යාලයේ ඇතිවූ ගැටුම සම්බන්ධයෙන් සිය ස්ථාවරය ප්‍රකාශ කරමින් පසුගිය බදාදා (20) මෙම නිවේදනය නිකුත් කර ඇති අතර, උතුරු නැගෙනහිර පළාත් තුළ හමුදා බලඇණි රදවා තිබීම එම ගැටුමට හේතුවක් වූවාදැයි වහාම පරීක්ෂණයක් පැවැත්විය යුතු බවද එමගින් අවධාරණය කර ඇත.
පසුගිය කාලයේ තම ඉල්ලීම් වෙනුවෙන් සිසුන් අරගල කළත් ඒ සම්බන්ධයෙන් බලධාරීන් ප්‍රතිචාර නොදැක්වූ බවත්, දෙමළ ජනතාවගේ ඉල්ලීම් නොතකා හැරීම නිසා එය ආයුධ සන්නද්ධ අරගලයක් දක්වා දිග්ගැස්සුණු බවද එම නිවේදනය මගින් වැඩිදුරටත් අවධාරණය කර ඇත.