සජින් ද වාස් ගුණවර්ධනට ප්‍රභූ ආරක්ෂාව ලබාදීම තමාට ද බරපතල ගැටළුවක් බවත් රජය එවැනි තීන්දුවක් ගත්තේ කුමන හේතුවක් මතද යන්න අපැහැදිලි බවත් රාජ්‍ය පරිපාලන හා කලමනාකරණ ඇමති රංජිත් මද්දුමබණ්ඩාර මහතා පවසයි.
සජින් වාස්ට පමණක් නොව චෝදනා එල්ල වී ඇති කැබිනට් ඇමතිවරුන්ට පවා නීතිය කඩිනමින් ක්‍රියාත්මක වී ජනතාවට දුන් පොරොන්දු ඉටු කළ යුතු බවද අමාත්‍යවරයා පැවසී ය.
ජනවාරි 8 වෙනසට කැප වූ සිවිල් සමාජයේ බොහෝ දෙනා කලකිරීමට පත්ව සිටින බව තමා පිළිගන්නා බවත් දූෂිතයන්ට එරෙහිව නීතිය ක්‍රියාවේ නොයෙදවීමෙන් ගැලවීමක් ලබන්නට මේ ආණ්ඩුවට නොහැකි බවත් ඇමතිවරයා වැඩිදුරටත් සඳහන් කළේය.