සඳුදා උදේ 10ට තමන් රටේ දේශපාලන තත්ත්වය ගැන මහජන පුස්තකාලයේදී විශේෂ මාධ්‍ය හමුවක් පවත්වා ප්‍රකාශයක් කරන බව හිටපු අමාත්‍ය මර්වින් සිල්වා මහතා පවසයි.
ඉඩම් ගනුදෙනුවක් සම්බන්ධයෙන් ප්‍රකාශයක් ලබා ගැනීමට හිටපු අමාත්‍යවරයා අද එෆ්.සී.අයී.ඩීය වෙත පැමිණීමෙන් පසු මාධ්‍ය අමතමින් මේ බව කියා සිටියේය.
එෆ්.සී.අයී.ඩීය පිහිටුවන්න තිබුණේ මීටත් වඩා කලින් බවත්, එසේ පිහිටුවා තිබුණානම් මේ රටේ වංචා දූෂණ අඩුවී නිලධාරීන් මෙන්ම මහජන නියෝජිතයින්ද යහපත් ලෙස වැඩකරන්නට ඉඩ තිබූ බවත්, හෙතෙම කීවේය.
බැසිල් රාජපක්ෂ මහතා නවගමු දේවාලයට ගොස් අද පොල් ගසා ඇතැයි මාධ්‍යවේදියෙකු එහිදී පෙන්වාදුන් පසු මර්වින් සිල්වා මහතා කියා සිටියේ “එයා ගහන පොල් දෙවියෝ බාරගන්නේ නෑ” කියාය.
එයාලා වැරදි ගොඩාක් කර තිබෙන නිසා එසේ වන බවද හෙතෙම කීවේය.
අධිකරණයේ ස්වාධීනත්වය සියයට සියයක් ඇති නිසා අද ජනතාව පාරට බැස නොබියව යන බවත්, සුදුවෑන් වලින් පැහැරගෙන යාම් දැන් නැති බවත්, ඔහු පැවසීය.