රක්ෂිත බන්ධනාගාර ගත කර සිටින පොලිස්පති දේශබන්දු තෙන්නකෝන්ගේ හෝකන්දර නිවසේ තිබී පොලිසිය විසින් සොයා ගන්නා ලද විදේශීය මත්පැන් බෝතල් 795ක හා වයින් බෝතල් 217ක මත්පැන් තොගය සම්බන්ධයෙන් විශේෂ තක්සේරුවක් සිදුකිරීමට පියවර ගනිමින් සිටින බව වාර්තා වෙයි.
ඒ අනුව එම තොගයට සුරාබදු දෙපාර්තමේන්තුව හරහා තක්සේරු වාර්තාවක් ලබා ගැනීමට නියමිතව තිබේ.
මෙම මත්පැන් තොගය සම්බන්ධයෙන් තක්සේරු වාර්තාවක් ලබා ගැනීමට පොලිස් නීති කොට්ඨාසයෙන්ද උපදෙස් ඉල්ලා ඇති බව ආරංචි මාර්ග වාර්තා කරයි.