Colombo Today Local News

පැනමා පේපර්, ලංකාවේදී පත්තුවෙයි.. විද්‍යා අමරපාල මෙගා පොලීසියෙන් ඉවතට.. ඇමති චම්පික FCIDයට !

champika - amarapala

මහා නගර හා බස්නාහිර සංවර්ධන අමාත්‍යාංශයේ උපදේශකයෙකු වන විද්‍යා අමරපාල මහතා එම ධුරයෙන් ඉල්ලා අස්වූ බව විෂයභාර අමාත්‍ය පාඨලී චම්පික රණවක මහතා පවසයි.

ලොව පුරා සිටින ඇතැම් දේශපාලකයන් සහ ප්‍රසිද්ධ පුද්ගලයන්, මාෆියා නායකයන් තමන්ගේ වත්කම සගවා තබා ගැනීමට සහ සිය රටවලදී ගෙවිය යුතු ආදායම් බදු වලින් රිංගා යාමට රහසිගතව කටයුතු කර තිබෙන බවට තොරතුරු හෙළිව ඇති ‘පැනමා පත්‍රිකාවලට’ විද්‍යා අමරපාල මහතාගේ නම සම්බන්ධවීම මෙම ඉල්ලා අස්වීමට හේතුව බව අමාත්‍යවරයා නිකුත් කළ නිවේදනයක සදහන් වේ.

අමාත්‍ය පාඨලී චම්පික රණවක මහතාගේ සමීපතම මිතුරෙකු වන අමරපාල මහතා, චම්පික රණවක මහතා විදුලිබල ඇමතිව සිටියදී ලංකා විදුලිබල මණ්‌ඩලයේ සභාපති ලෙස කටයුතු කළේය.

එමෙන්ම, විද්‍යා අමරපාල මහතා අධ්‍යක්ෂවරයෙකුව සිටි (2003 – 2010) Sovereign Capital Corporation ආයතනය යම් නීති විරෝධි මූල්‍ය කටයුත්තක නියැලී සිටියාද යන්න සොයා බලන්නැයි චම්පික රණවක අමාත්‍යවරයා විසින් සිය ලේකම්වරයා හරහා පොලිස් මූල්‍ය අපරාධ කොට්ඨාශය වෙත දැනුම් දීමක්ද කර ඇත.

දූෂිත දේශපාලනයට එරෙහිව තමන් කරන අරගලය කැලැල් කිරීමට දරන උත්සාහයන්ගෙන් වඩාත් නිවැරදි වීම සදහා මෙලෙස ක්‍රියාත්මක වූ බවද අමාත්‍යවරයාගේ නිවේදනයේ සදහන් වේ.

Related posts

හිටපු උප සභාපතිවරයෙකුගේ නිවෙස ඉදිරිපිට කතක් ගිනි තබා ගෙන

Admin

ජාත්‍යන්තර මූල්‍ය අරමුදලෙන් මෙරටට ලැබෙන ඩො.මි. 252ක ණය වාරිකය අනුමතයි

colombotoday

අනුරගේ විරෝධතා පාගමනට තහනම් නියෝගයක්

Admin

නියෝජ්‍ය ඇමතිධූර නම් ටිකක් වැඩිවෙයි

Admin

හෙට සිට ගෑස් මිල පහළට

Admin

පෞද්ගලික අංශයට අලුත් නීති – පැය 08, 12ක් කරයි

colombotoday