ලංකාව චීනයේ කොළණියක් බවට පත්කිරීමට යන බවට හා ලංකා ආර්ථිකයේ ඝාතකයා චීනය බව ඒ දිනවල පුන පුනා කියා සිටියද අගමැතිවරයා චීනයේ ගොස් පස්වාන් දහසකට බුදුවන්නැයි චීනයට කියා ණය ආධාර ලබාගත් බව ජාතික නිදහස් පෙරමුණේ නායක, පාර්ලිමේන්තු මන්ත්‍රී විමල් වීරවංශ මහතා පවසයි.
හෙතෙම එබව කියා සිටියේ අද (11) කොළඹ පැවති මාධ්‍ය හමුවකදීය.
මේවන විට රාජපක්ෂ යුගයේ සංවර්ධන උපාය මාර්ග නිවරදි බව ආණ්ඩුවට පිළිගැනීමට සිදුව ඇති බවත්, චීන වෛරය ගොඩනඟා බලයට පැමිණියද තමන්ගේ හාම්පුතුන් කිසිවක් නොදෙන විට චීනය ළඟ දණින් වැටී හිඟාකන්නට සිදුව ඇති බව ඔහු සඳහන් කළේය.
මේ රජයට ආර්ථිකය ගැන කිසිදු උපායමාර්ගික ඥානයක් නොමැති බවත්, ජනාධිපතිවරයා ජී. 07සමුළුවට ගොස් පැමිණි පසු ආර්ථික සැලසුම ඉදිරිපත් කරන බව කියන්නේ ඒ නිසා බවත් වීරවංශ මහතා අවධාරණය කළේ