මාස කීපයක් තිස්සේ ඇති වූ අරගල හේතුවෙන් බංගලාදේශයේ අග්‍රාමාත්‍ය ධුරයෙන් ශික් හසීනා ඉල්ලා අස්වීමෙන් පසු පිහිටුවන ලද නව අන්තර්වාර රජය පවත්වාගෙන යාමට අරමුදල් සම්පාදනය බරපතළ ගැටලුවක් වී ඇත.
ඒ හේතුවෙන් අන්තර්ජාතික අරමුදල් සම්පාදන ආයතන හරහා ඩොලර් බිලියන අටක ආධාරයක් අන්තර්වාර රජය ඉල්ලා තිබේ.
ජාත්‍යන්තර මුල්‍ය අරමුදල, ලෝක බැංකු හා ආසියානු සංවර්ධන බැංකුව මෙන්ම සෙසු ණය දෙන ආයතන හරහා මෙම මුදල් ලබා ගැනීමට ඔවුන් අපේක්ෂා කරයි.
ගත වූ මාස කිහිපයකදී එරට තුළ ඇති වූ අරගලය සමඟ මේ වන විට දැඩි ආර්ථික අර්බුදයක් ඇතිව තිබේ.
මේවන විට බංගලාදේශ අන්තර්වාර රජයේ ප්‍රධානියා ලෙස කටයුතු කරන්නේ නොබෙල් සාම ත්‍යාගලාභී මොහමඩ් යූනුස් විසිනි.ඔහු මීට සති කිහිපයකට පෙර අරගලකරුවන්ගෙන් සමන්විත කැබිනට් මණ්ඩලයක්ද ස්ථාපනය කිරීමටද කටයුතු කරන ලදී..