අනුරාධපුර ගල්නෑව ප්‍රදේශයේ පාසලක පාසල් සිසුන් දෙදෙනෙකුගේ ආරවුලක් විසඳීමට ගිය ගුරුවරුන් දෙදෙනෙකුට අමානුෂික ලෙස පහරකෑමට ලක්වීමේ සිද්ධියක් අනුරාධපුර ගල්නෑව ප්‍රදේශයෙන් වාර්තා වෙයි.
එම ආරවුල නිවාසාන්තර ක්‍රීඩා පුහුණුවීමක් අතරතුරදී සිසුන් දෙදෙනෙකු අතර ඇතිවී තිබේ.
එම ආරවුල විසඳීමට අදාළ ගුරුවරුන් දෙදෙනා මැදිහත්වී ඇත.
පසුව ගුරුවරුන් පහරදුන් බව කියමින් එක් සිසුවෙකු රෝහල්ගතවීමත් සමග සිදුවීම පැහැදිලි කරදීමට ගුරුවරුන් ඔහුගේ නිවසට ගොස් තිබූ අතර එහිදී එක් සිසුවෙකුගේ ඥාතීන් පිරිසක් මෙලෙස අමානුෂික ලෙස පහරදුන් බවයි ගුරුවරුන් පවසන්නේ.
සිද්ධිය සම්බන්ධයෙන් 17 හැවිරිදි තරුණයෙකු පොලිස් අත්අඩංගුවට ගෙන ඇති අතර පහරදීම සිදුකළ සෙසු පිරිස සොයා විමර්ශන ක්‍රියාත්මකය.