ලොරි රථ රියදුරෙකු අරලගංවිල අළුත්වැව කැටේහංදිය ප්‍රදේශයේදී රිය අනතුරක් සිදුකර පළා ගිය වරදට අත්අඩංගුවට ගෙන තිබේ.
මාර්ගයේ පුද්ගලයෙකු වැටී සිටින බවට ලද තොරතුරකට අනුව පොලීසිය එම සිද්ධිය ගැන විමර්ශන ආරම්භ කර තිබුණි.
මෙම අනතුරින් හිසට බරපතළ තුවාල සිදුවීම හේතුවෙන් එම පුද්ගලයා එම ස්ථානයේදීම මියගොස් ඇත.
මියගොස් ඇත්තේ 39 හැවිරිදි අළුත්වැව ප්‍රදේශයේ පදංචිකරුවෙකි.
එම ප්‍රදේශයේ වී මිලදී ගන්නා පුද්ගලයෙකු මෙම අනතුර සිදුකර පළා ගොස් තිබූ අතර ඔහුගේ ලොරි රථය පරීක්ෂා කිරීමේදී මියගිය පුද්ගලයාගේ හිසකෙස් හා ඇඳුම් කොටස්ද එහි තැවරී තිබී හමුවිය.
ඉකුත් 14 වනදා රාත්‍රී කාලයේදී මෙම අනතුර සිදුවී ඇති අතර සිද්ධිය පිළිබඳව තොරතුරු පොලීසියට වාර්තා වී තිබුනේ 15 වනදා සවස් කාලයේදීය.