යාපනය චාවාකච්චේරියේ නිවසක තිබී සොයාගත් මරාගෙන මැරෙන ඇදුම් කට්ටලය ඇතුළු පුපුරණ ද්‍රව්‍ය කොටි සංවිධානයට අයත් ඒවා නොවන බව ද්‍රවිඩ ජාතික සංවිධානයේ උතුරු පළාත් සභා මන්ත්‍රී, එම්. සිවාජිලිංගම් පවසයි.
මෙය උතුරේ කොටි සංවිධානය නැවත නැගිටින බව පෙන්වීමට දකුණේ පිරිසක් ගත් උත්සාහයක් බවට සැකයක් ඇති බවත්, උතුරේ සාමකාමී තත්ත්වයක් පවතින බවත් සිවාජිලිංගම් මන්ත්‍රීවරයා කියයි.
දකුණේ දේශපාලන බලවේග පටු දේශපාලන අරමුණක් වෙනුවෙන් උතුරේ යළි ත්‍රස්තවාදය නැගී සිටින බව පෙන්වීමට උත්සහා දරණ බව කී මන්ත්‍රීවරයා මෙය හමුදාව දිගටම උතුරේ රැදවීම සදහා කරන්නට ඇති බවට සැක සිතෙන බවද කියයි.
සිවාජිලිංගම් මන්ත්‍රීවරයා කොටි නායක වේලුපිල්ලේගේ මස්සිනා කෙනෙකුද වෙයි.