අද (07) උදෑසන තම දරුවන් දෙදෙනාට අමානුෂික ලෙස පහරදී එය විඩියෝ කර සමාජ මාධ්‍යට එක් කළ අයෙකු අත්අඩංගුවට ගෙන තිබේ. ඒ දරුවන්ගේම පියා බවයි වාර්තා වන්නේ.
දිඹුල පතන පොලිස් වසමේ වතු යායක පිහිටි බිරිඳගේ නිවසේ පදිංචිව සිටින 33 හැවිරිදි කොළඹ ප්‍රදේශයේ වාහන පිරිසිදු කිරිමේ මධ්‍යස්ථානයක සේවය කරන පුදගලයකු මෙලෙස අත්අඩංගුවට ගෙන ඇත. ඉකුත් 05 වනදා රාත්‍රියේදී මෙම පහරදීම සිදුකර තිබුණි.
අවුරුදු 09 සහ 05 යන වයස්වල පසුවූ දරුවන් දෙදෙනාට පහරදී ඇති සැකකරුගේ බිරිඳ ගෘහසේවය සඳහා විදේශගතවී සිටින බවද වාර්තා වෙයි.
දරුවන් දෙදෙනා මිත්තණිය භාරයේ සිට ඇත.
සැකකාර පියා විසින් මෙලෙස පහරදී ඇති දරුවන් දෙදෙනා පියාගේ උපදෙස් නොපිළිබඳින නිසා බව මූලික විමර්ශනවලින් හෙළිවී ඇත.
සැකකරු ලිදුල පොලිස් වසමට අයත් නාගසේන ප්‍රදේශයේ පිහිටි ඔහුගේ නිවසේ දරුවන් දෙදෙනා සමග රැඳී සිටියදී අත්අඩංගුවට ගෙන තිබේ.
පොලිස් භාරයට ගත් දරුවන් දෙදෙනා දික්ඔය මුලික රෝහලේ අධිකරණ වෛද්‍යවරයා වෙත යොමු කර සැකකරු හැටන් මහසේත්‍රාත් අධිකරණය වෙත ඉදිරිපත් කරන බව දිඹුල පතන පොලීසියේ ස්ථානාධිපතිවරයා වැඩිදුරටත් පැවසීය.