වර්ෂාවත් සමග ඩෙංගු රෝගීන් වාර්තා වීම ශීඝ්‍රයෙන් ඉහළ යමින් පවති.
මේ වසරේ පළමු සතිය තුළ ඩෙංගු රෝගීන් 2316 දෙනෙකු වාර්තා වී ඇති බව ජාතික ඩෙංගු මර්දන ඒකකය පවසයි.
මේ වසරේ වැඩිම ඩෙංගු රෝගීන් වාර්තා වී ඇත්තේ, යාපනය දිස්ත්‍රික්කයෙනි.
එම සංඛ්‍යාව 473ක්ය.
කොළඹ දිස්ත්‍රික්කයෙන් ඩෙංගු රෝගීන් 427ක් වාර්තා වී ඇතැයි ජාතික ඩෙංගු මර්දන ඒකකය සඳහන් කරයි.
පසුගිය ඉරිදා සිට ආරම්භ කරන ලද විශේෂ ඩෙංගු මර්දන වැඩසහටන තුළින් පරිශ්‍ර 6865ක් පරීක්ෂා කර ඉන් ඩෙංගු මදුරුවන් බෝ වන ස්ථාන 462 ක් සොයා ගෙන තිබේ.
විශේෂඥ වෛද්‍ය සුදත් සමරවිර මහතා සඳහන් කරන්නේ, ඉන් 346 අවවාදාත්මක නිවේදන නිකුත් කර ඇති අතර 48 දෙනෙකුට නීතිමය පියවර ගෙන ඇති බවයි.