පෞද්ගලික බස් කර්මාන්තය සඳහා මෙවර අයවැයෙන් කිසිදු සහනයක් හිමි නොවූ බව බස් රථ සංගම් පවසති.
ලංකා පෞද්ගලික බස් හිමියන්ගේ සංගමයේ සභාපති ගැමුණු විජේරත්න මහතා සඳහන් කරන්නේ, අයවැයට පෙර පෞද්ගලික බස් සංගම් සමග කිසිදු සාකච්ඡාවක් හෝ සිදු නොකර මෙවර අයවැය සකස් කර ඇති බවයි.
ලීසි පොලී අනුපාත අඩුකිරීම, බස් රථ ආනයනයට අවසර ලබාදීම, ඉන්ධන සහනාධාරයක් ලබාදීම ඇතුලු සහන බස් සංගම් මෙවර අයවැයෙන් අපේකෂා කළ බවත් ඔහු පවසයි.
පෞද්ගලික බස් කර්මාන්තය සඳහා වන සහන ලබා ගැනීම සම්බන්ධයෙන් අයවැය යෝජනාවලියෙන් පසුව මුදල් අමාත්‍යාංශය සමග සාකච්ඡා කරන බවත් ඔහු තවදුරටත් සඳහන් කළේය.