ශ්‍රී ලංකාවේ සිදුවූ මානව හිමිකම් උල්ලංඝනය වීම සම්බන්ධයෙන් නිසි ලෙස විමර්ශනය කළ යුතු බවත් එම කටයුතු ඉටු කිරීම සඳහා ඉදිරි මාස කීපය ශ්‍රී ලංකාවට වැදගත් බවත් මානව හිමිකම් කොමසාරිස්‌ සෙයිද් රාද් හුසේන් මානව හිමිකම් සමුළුව අමතා ප්‍රකාශ කර ඇත.
හමුදාව විසින් අත්පත් කර ගෙන ඇති ඉඩම් කඩිනමින් නිදහස්‌ කිරීම, අත්අඩංගුවේ පසුවන රැඳවියන්ගේ සිද්ධීන් මෙන්ම අතුරුදන් වූවන් පිළිබඳ ප්‍රශ්නය යන කරුණු ගැන ක්‍රියා කිරීම වේගවත් විය යුතු බවද ඔහු තවදුරටත් සඳහන් කළේය.
එසේම ජාත්‍යන්තර මානුෂික නීතිය උල්ලංඝනය කිරීමට අදාළ සියලු තොරතුරු හා ලියවිලි සංරක්‍ෂණය කිරීමේ යාන්ත්‍රණයක්‌ ස්‌ථාපිත කළ යුතු බවද මානව හිමිකම් කොමසාරිස්‌වරයා කියා සිටියේය.
මානව හිමිකම් උල්ලංඝනය කිරීම් ගැන සෙවීම කඩිනම් කළ යුතුයි යෑයි මා ශ්‍රී ලංකාවෙන් ඉල්ලනවා යෑයිද හෙතෙම සඳහන් කළේය.