මධ්‍යම පළාතේ වාහන ආදායම් බලපත්‍ර නිකුත් කිරීමේ ඊ ආදායම් බලපත්‍ර පරිගණක පද්ධතියේ සිදු කරනු ලබන වැඩිදියුණු කිරීම් හේතුවෙන් මේ මස 27වනදා සිට ඔක්තෝබර් මස දෙවනදා දක්වා පළාතේ කිසිදු කාර්යාලයකින් වාහන බලපත්‍ර නිකුත් නොකරන බව මධ්‍යම පළාත් ප්‍රධාන ලේකම් ජී.එච්‍.එම්.ඒ. ප්‍රේමසිංහ මහතා දන්වා සිටි.
ඔහු සඳහන් කරන්නේ ,ඊ ආදායම් බලපත්‍ර නිකුත් කිරීමේ පරිගණක පද්ධතිය මගින් දැනට එක් පළාතක් සඳහා පමණක වාහන බලපත්‍ර නිකුත් කිරීම සිදු වුවත් ඉදිරියේදී දිවයිනේ සියලුම පළාත් සඳහා ක්‍රියාත්ම කිරීමට යෝජිත බවයි.
ඒ සඳහා පරිගණක පද්ධතිය මේ වන විට වැඩි දියුණු කරමින් පවතින බවත් ලබන ඔක්තෝබර් මාසයේ තුන් වනදා සිට දිවයින පුරා මෙම වාහන බලපත්‍ර නිකුත් කිරීම ක්‍රියාත්මක කිරීමට නියමිත බවත් ලේකම්වරයා සඳහන් කරයි.