හම්බන්තොට ප්‍රදේශයේ ඉදිකිරීමට යෝජිතව තිබූ ඛනිජ තෙල් පිරිපහදු ව්‍යාපෘතිය සඳහා වූ ආයෝජන මණ්ඩල ගිවිසුම අහෝසි කිරීමට කැබිනට් අනුමැතිය හිමිව ඇත.
මෙම ව්‍යාපෘතිය සඳහා ශ්රී ලංකා ආයෝජන මණ්ඩලය සහ හම්බන්තොට ඔයිල් රිෆයිනර් සමාගම අතර ගිවිසුම්ගත වීම සඳහා ඉකුත් 2019 වසරේ සැප්තැම්බර් 17 වැනිදා කැබිනට් අනුමැතිය ලබා දී තිබිණි.
එම ගිවිසුමට අනුව වසර පනහක බදු පදනම මත හම්බන්තොට ප්‍රදේශයෙන් ඉඩම් අක්කර 1200 ප්‍රමාණයක් එම සමාගමට ලබාදීම පිණිස ඉඩම් වෙන්කර තැබීමට කටයුතු කෙරුණද මේ දක්වා අදාළ සමාගම ඉඩම් ලබා ගැනීම හෝ ව්‍යාපෘතිය ක්‍රියාත්මක කිරීමට කිසිදු පියවරක් ගෙන නැත.
අයෝජන ප්‍රවර්ධන ඇමැතිවරයා ලෙසින් ජනාධිපති රනිල් වික්‍රමසිංහ මහතා විසින් මෙම කැබිනට් පත්‍රිකාව ඉදිරිපත් කර තිබේ.