Colombo Today Local News

ලබන වසරේදී රාජ්‍ය සේවයට නව බඳවා ගැනීම් නැහැ

ලබන වසරේදී රාජ්‍ය සේවයට නව බඳවා ගැනීම් සිදු නොකරන බැවින් ඒ සඳහා ප්‍රතිපාදන වෙන් නොකරන බව භාණ්ඩාගාර ලේකම් මහින්ද සිරිවර්ධන මහතා දැනුම් දී තිබේ.

ඒ, සියලු අමාත්‍යාංශ ලේකම්වරුන්, පළාත් ප්‍රධාන ලේකම්වරුන්, දෙපාර්තමේන්තු ප්‍රධානීන් වෙත 2024 වසරේ අයවැය ඇස්තමේන්තු සකස් කිරීම සඳහා වන මාර්ගෝපදේශන මාලාවට අදාළ චක්‍රලේඛය නිකුත් කරමිනුයි.

ඒ අනුව, මෙම වසරේ ජුනි මස 30 වනදාට සිටින සේවක සංඛ්‍යාව පදනම් කර ගනිමින් ලබන වසර සඳහා වැටුප්, වේතන සහ අනෙකුත් දීමනා ඇස්තමේන්තු සකස් කර දිය යුතු බවටද භාණ්ඩාගාර ලේකම්වරයා විසින් දැනුම්දී තිබේ.

ලබන වසරේ දී රාජ්‍ය ආයතන සඳහා ගෘහ භාණ්ඩ, කාර්යාල උපකරණ හා උපාංග මිලදී ගැනීම හැකිතාක් සීමා කළ යුතු අතර රථවාහන මිලදී ගැනීම සම්බන්ධයෙන් පනවා ඇති සීමා ඒ ආකාරයෙන්ම ක්‍රියාත්මක වන බව සඳහන්.

මීට අමතරව සේවා ව්‍යවස්ථා, බඳවා ගැනීමේ පටිපාටි හා චක්‍රලේඛ මගින් දේශීය පුහුණුවීම් නියම කර ඇත්නම් පමණක් ඒ සඳහා ප්‍රතිපාදන වෙන් කළ යුතු බව භාණ්ඩාගාර ලේකම් මහින්ද සිරිවර්ධන මහතා අදාළ චක්‍රලේඛය මගින් දැනුම් දී ඇත.

Related posts

CCTV : නත්තල් නිවාඩුවට ඥාති නිවසකට පැමිණි තරුණයෙකුට ත්‍රිරෝද රථ රියදුරන් පිරිසක් අමානුෂික ලෙස පහර දෙයි.

colombotoday

“මිරිහානේදී අත්අඩංගුවට ගත් පුද්ගලයින්ගේ මානව හිමිකම් කඩවී ඇත්දැයි සමීපව නිරීක්ෂණය කරනවා”

colombotoday

“බැදුම්කර වංචාව වැළැක්වූවානම් වැට් ගහන්න වෙන්නෑ“ – ඇමති දයාසිරි

colombotoday

“ද්‍රවිඩ ජනයා අකමැති ව්‍යවස්‌ථාවක්‌ ගේන්න දෙන්නේ නෑ” – විපක්ෂ නායක සම්බන්ධන්

colombotoday

ලුණූ ආනයනය නතර කර රටටම ලුණු හදන්න පාඩු ලැබීම ගැන නිදහසට කරුණු එපා

colombotoday

අධිකරණ නියෝග උතුරේදී අවලංගුයි.. වෙනම රාජ්‍යයක් දැනටම බිහිවෙලා !

colombotoday