වවුනියාව තෝනිකල් ප්‍රදේශයේ නිවසකට තියුනු ආයුධ සහ පොලු වලින් පහරදී නිවසට ගිණි තබා එක් අයෙකු මියගොස් දසදෙනෙකු තුවාල ලබා වවුනියාව මහ රෝහලට ඇතුලත් කර තිබේ.
වවුනියාව තෝනිකල් ප්‍රදේශයේ නිවසකට තියුනු ආයුධ සහ පොලු රැගෙන ඊයේ (23) අලුයම කඩාවැදුණු පිරිසක් වැසියන් වෙත පහරදී නිවසේ සිරකොට පෙට්‍රල් බෝම්බ ප්‍රහාරයක් එල්ල කිරීම හේතුවෙන් තරුණියක මියගොස් තවත් දස දෙනකු තුවාල ලබා වවුනියාව රෝහල වෙත අ‍ැතුලත් කොට ඇත.
උපන්දින සාදයක් අතරතුර මුහුණු අ‍ාවරණයකොට කඩු සහ පොලු රැගෙන පැමිණි පිරිස සාදයේ සිටි පිරිසට පහරදී නිවසේ සිරකොට අ‍ැතැයි පොලිසිය පවසයි.
අදාල පිරිස නිවසේ සිරකොට සිටියදී පෙට්‍රල් බෝම්බ ප්‍රහාරය එල්ල කොට අ‍ැති අතර ඒ සමගම නිවස ගිනිගැනීමකට ලක්ව අ‍ැති බවත් ගින්නෙන් නිවස අ‍ැතුලත සම්පූර්ණයෙන් හානි වී තිබේ.
ගින්නත් සමඟ සාදයේ සිටි දස දෙනකු නිවසින් පිටතට පැන දිවිබේරාගෙන ඇති අතර වවුනියාව තෝණිකල් ප්‍රදේශයේ පදිංචි ෆාතිමා සම්මා සෆීදීර් නැමැති විසිඑක් හැවිරිදි තරුණිය පහරදීමෙන් හා ගිනිගැනීමෙන් තුවාල ලබා නිවසතුල මියගොස් ඇති බව පොලීසිය පවසයි.
පොලිසිය පැවසූවේ පුද්ගලික ආරවුලක් සිද්ධියට හේතු වී ඇති බවයි.
වවුනියාව පොලීසිය වැඩිදුර පරීක්ෂණ පවත්වයි.
වවුනියාව වාර්තාකරු – එස්.එම් ඩී.චන්ද්‍රනාත් බංඩාර-