ලබන 17 වනදා කොළඹ හයිඩ් පිටියේ පැවැත්වෙන ජන රැලියට සහභාගි වීමට ශ්‍රි ලංකා නිදහස් පක්ෂ මන්ත්‍රිවරුන්ට අවසර ලබාදී නොමැති බව , ශ්‍රිලනිප මහ ලේකම් අමාත්‍ය දුමින්ද දිසානායක පවසයි .අමාත්‍යවරයා කියා සිටියේ , ශ්‍රි ලංකා නිදහස් පක්ෂයේ මේ තීරණය පාර්ලිමේන්තු මන්ත්‍රි මහින්ද රාජපක්ෂ ඇතුළු සියළු දෙනාටම බලපාන බවයි .
ශ්‍රි ලංකා නිදහස් පක්ෂය අම්බලමක් නොවන අතරම පක්ෂයේ ප්‍රතිපත්ති වලට එරෙහි වෙමින් , පක්ෂ ව්යවස්ථාව කඩන ඕනෑම කෙනෙකුට විනය ක්‍රියාමාර්ග ගැනීමට පක්ෂයක් ලෙස සුදානම් බවද අමාත්‍යවරයා සදහන් කරයි.
පක්ෂයේ තීරණයට අභියෝග කරමින් මාධ්‍ය ඉදිරියේ වීරයන් වන්නට යම් කිසිවකු කටයුතු කළහොත් පක්ෂ ව්යවස්ථාව අනුව ඔවුන්ට විරුද්ධව කටයුතු කරන බවද හෙතෙම කීය.ශ්‍රී ලංකා නිදහස් පක්ෂය යනු අම්බලමක් නොවන බවත් විනයක්‌ තිබෙන ප්‍රතිපත්තියක්‌ තිබෙන පක්ෂයක්. එමනිසා මෙම රැලියට කවුද යන්නේ කියලා. තමා විමසිලිමත්ව බලා සිටින බවත් ඔහු වැඩිදුරටත් පවසයි.