![](https://colombotoday.com/wp-content/uploads/2023/06/15.11.jpg)
කොන්දේසිවලට යටත්ව කාන්තාවන් රාත්රී සේවයේ යෙදීමට අවශ්ය ප්රතිපාදන නව කම්කරු නීතිය යටතේ ලබාදෙන බව කම්කරු හා විදේශ රැකියා අමාත්ය මනුෂ නානායක්කාර මහතා පවසයි.
කම්කරු නීති සංශෝධනය සම්බන්ධයෙන් මහජන අදහස් ලබාගැනීමේ සැසිවාරවල දී ඉදිරිපත්වූ යෝජනාවන්හි සංක්ෂිප්තයක් ඉදිරිපත් කරමින් අමාත්යවරයා කියා සිටියේ පීතෘ නිවාඩු ලබාදීම සඳහා වන නීති ද ගෙන එන බවයි.
ජාතික වේතන කවුන්සිලයක් හඳුන්වා දෙන බවත් එමගින් කාලීන හා පිළිගත් ක්රමවේදයන්ට අනුව අවම වැටුප් ක්රමයක් හඳුන්වාදීමට කටයුතු කරන බවත් මනුෂ නානායක්කාර මහතා මෙහිදී සඳහන් කළේය.
සේවකයින් සේවා ස්ථානයේ සුරක්ෂිතතාවය හා සෞඛ්ය ආරක්ෂාව සහතික කිරීම සදහා නෛතික ප්රතිපාදන සකස් කිරීම, සමාජ ආරක්ෂණ අරමුදලක් මගින් මාතෘ ප්රතිලාභ, සේවක සෞඛ්ය හා විරැකියාවකදී වන්දි ලබාදෙන සමාජ ආරක්ෂණ පද්ධතියක් සකස් කිරීම සහ පඩි පාලක සභා ආඥා පනතේ සාප්පු හා කාර්යාල සේවක පනත සැමට සමානව කටයුතු කරන ආකාරයෙන් සම්පාදනය කිරීම පිළිබඳව ද මෙහිදී කරුණු අනාවරණය කෙරුණි.