ඉදුරුව ඇටවලවත්ත ප්‍රදේශයේ නිවසක තිබී තියුණු ආයුධයකින් කපා කොටා ඝාතනය කළ කාන්තාවකගේ මළ සිරුරක් අද (12)උදෑසන සොයා ගත් බව කොස්ගොඩ පොලීසිය කියයි.
මෙසේ ඝාතනය කොට ඇත්තේ ඉදුරුව ඇටවලවත්ත ප්‍රදේශයේ පදිංචි 36 හැවිරිදි කොස්ගොඩ බලහැලගේ චාන්දනී නමැති එක්දරු මවක් බවද පොලීසිය පවසයි.
මෙම කාන්තාව ඊයේ (11) රෑ ඝාතනය කරන්නට ඇති බවට පොලීසිය සැකකරයි.
සැමියා විදේශගතව සිටින මෙම කාන්තාවගේ නිවස මංකොල්ල කන්න පැමිණි පිරිසක් කළ දෙයක් ද නැතහොත් වෙනයම් හේතුවක් නිසා වූවක්ද යන්න පිළිබදව සොයා බලන බව ද පොලීසිය කියයි.
මේ ඝාතනය සම්බන්ධයෙන් මහේස්තාත් පරීක්ෂණය අද (12)දින සිදු කිරිමට නියමිතව තිබිණ.
කොස්ගොඩ පොලීසිය මේ සම්බන්ධයෙන් වැඩිදුර පරීක්ෂණ පවත්වයි.