අමෙරිකානු ජනාධිපති ජෝ බයිඩන් සහ දකුණු කොරියානු ජනාධිපති යූන් සුක්-යෙඕල් නව න්‍යෂ්ටික අවි ගිවිසුමකට අත්සන් තබා තිබේ.
වසර 40කට පසු පළමු වරට අමෙරිකානු න්‍යෂ්ටික සබ්මෑරීන දකුණු කොරියාවට යැවීමට ද නියමිත බව විදෙස් මාධ්‍ය වාර්තා කරයි.
උතුරු කොරියාවෙන් එල්ල වන න්‍යෂ්ටික තර්ජනවලට මුහුණ දීම සඳහා දකුණු කොරියාවට සහය වීම මෙම න්‍යෂ්ටික අවි ගිවිසුමේ අරමුණ බව අමෙරිකාව පවසයි.
අමෙරිකානු ජෝ බයිඩන් පරිපාලනය සඳහන් කරන්නේ මෙම එකඟතා මගින් අමෙරිකාව සහ දකුණු කොරියාව අතර සහයෝගීතාව තවදුරටත් ශක්තිමත් වනු ඇති බවය.