සුඩාන හමුදා සහ අතුරු හමුදා පැය 72ක සටන් විරාමයකට එකඟ වී තිබේ.
දින 2ක සාකච්ඡාවලින් අනතුරුව මෙම එකඟතාවට පැමිණ ඇති බව විදෙස් මාධ්‍ය සඳහන් කරයි.
මෙම මාසයේ ප්‍රකාශයට පත් කරන ලද තෙවැනි සටන් විරාමය මෙය වන නමුත් ඉන් කිසිදු සටන් විරාමයක් මේ වන තෙක් ක්‍රියාවට නංවා නොමැත.
සුඩාන හා එරට අතුරු හමුදා අතර ගැටුම්වලින් මේ වන විට පුද්ගලයින් 427 ක් මිය ගොස් 3,700කට වැඩි පිරිසක් තුවාල ලබා තිබේ.
මේ හේතුවෙන් එරට සිටින විදේශිකයන් ද විශාල වශයෙන් ඉවත්ව යන බව සඳහන් වේ.
හමුදා පාලනයක් යටතේ ඇති සුඩානය පසුගියදා සිවිල් රජයක් යටතට පත් කිරීම පිළිබඳව සළකා බැලීම හේතුවෙන් එරට අතුරු හමුදාවක්, හමුදාවට එරෙහිව සටන් ආරම්භ කළේ ය.