රැකියා විරහිත උපාධිධාරීන් සියලූ උපාධිධාරීන්ට රැකියා ලබාදෙන ලෙසත් රැකියා ලබාදෙන වාර්ෂික වැඩපිළිවෙළක් සකස් කරන ලෙසත් ඉල්ලා කොළඹ ආරම්භ කර ඇති අඛණ්ඩ සත්‍යග්‍රහයට අදට දින 13 ක් ගතවී ඇත.
විශේෂයෙන් 2012 මාර්තු මස 31 දිනෙන් පසු මේ වන වටි උපාධිධාරීන්ට රැකියා ලබාදීමට විධිමත් වැඩපිළිවෙළක් සකස් වී නොමැත.අප සංගමය විසින් පළාත් මට්ටමින් මේ පිළිබඳ සාකච්ඡා පවත්වමින් විවිධ කි්‍රයාමාර්ග ගත්ත ද පැහැදිලි පිළිතුරක් ලැබුණේ නැ. විශේෂයෙන් පළාත් මට්ටමින් පවතින් විශාල ගුරු පුරප්පාඩු ප්‍රමාණයක් ඇති බව මේ වන විට තහවුරු වී ඇත. ඇතැම් පළාත්වල ගුරුවරුන් බඳවා ගැනීම සඳහා විභාග පවා පවත්වා අවුරුද්දක් ඉක්ම ගොස් ඇත. මීට අමතරව ජාතික පාසල්වල පුරප්පාඩු රැසක් පවතී.
මේ අතර රැකියා විරහිත ගැටලූව පිළිබඳව අගමැතිවරයා සාකච්ඡාවක් ලබාදුන් අතර අනතුරුව රැකියා ගැටලූව විසඳීම සඳහා කමිටුවක් ද පත්කරන ලදී. ඒ සම්බන්ධයෙන් ඔබතුමා දැනුවත් ඇතැයි සිතමු. එම කමිටුවේ දී රාජ්‍ය පරිපාලන අමාත්‍යාංශයේ පුරප්පාඩු 3500 ක්ද ජාතික පාසල්වල ගුරු පුරප්පාඩු 6200ක්ද වෙනත් අමාත්‍යාංශවල පුරප්පාඩු 2200 ක්ද ඇති බව පවසන ලදී. මීට අමතරව පළාත් පාසල්වල ගුරු පුරප්පාඩු 15000 ක් පමණ ඇති බව තහවුරු විය.
මේ වන විට ජනාධිපතිවරයා, මුදල් අමාත්‍යවරයා, අධ්‍යාපන ඇමතිවරයා මෙන්ම විවිධ ඇමතිවරුන් විවිධ ප්‍රකාශ කරමින් ප්‍රශ්නය කල් යවමින් සිටිනු පෙනේ. මේ පවතින බොහෝමයක් පුරප්පාඩු සඳහා බඳවා ගැනීම් කඩිනම් කරන්නේ නම් ගැටලූවට යම් හෝ විසඳුමක් ලැබේ. නමුත් ගැටලූව විසඳන බවත් පෙනෙන්ට නැත. රැකියා විරහිත ගැටලූව පිළිබඳ සාකච්ඡා ඉල්ලා ජනාධිපතිවරයාටත්, අගමැතිවරයාටත්, මුදල් අමාත්‍යවරයාටත්, අධ්‍යාපන අමාත්‍යවරයාටත් ලිපි යොමුකිරීමට එම සංගමය පියවර ගෙන ඇත.