නිදානයක් ගැනීමේ අරමුණින් කැනීමක් සිදු කරමින් සිටියදී හිමිනමක් ඇතුළු 7 දෙනෙකු ගලෙන්බිදුණුවැව පොලිස් අත්අඩංගුවට ගෙන ඇත.
අනුරාධපුර ගලෙන්බිදුණුවැව කරුවලගස්වැව ප්‍රදේශයේ නිවසක් පිටුපස එම නිවෙස් හිමියාගේ වත්තේ කැනීම සිදු කරමින් සිටින බවට ගලෙන්බිදුණුවැව පොලිස් ස්ථානයේ ස්ථානාධිපතිවරයා ගේ පුද්ගලික ඔත්තුකරුවකු විසින් ලබා දුන් තොරතුරක් මත කල වැටලීමකදී නිට්ටඹුව අල්ගම ප්‍රදේශයේ පාසලක සේවයේ නියුතු දෙබහැර විහරස්ථානයේ නෙවාසික භික්ෂූන් වහන්සේ නමක් අතුළු සැකකරුවන් හත්
දෙනා අත්අඩංගුවට ගෙන තිබේ.
කැනීමට භාවිතා කරන ලද උදළු, පිකස් ඇතුළු උපකරණ තොගක් හා පිරිස පැමිණ තිබු pajaro වර්ගයට අයත් ජීප් රථය ගලෙන්බිදුණුවැව පොලිසිය මගින් අත්අඩංගුවට ගෙන ඇති අතර අල්ගම ප්‍රදේශයේ පාසලක ගුරුවරු, වතුපිටිවල රෝහලේ සෞඛ්‍ය සේවයේ,හා පුද්ගලික අංශවල සේවයේ නියුතු නිට්ටඹුව පස්යාල,දෙබහැර,ගලෙන්බිදුණුවැව දිව්ල්වැව,යකල්ල ඉලිප්පුකන්නීය යන ප්‍රදේශවල පදිංචි කරැවන් වේ.
සැක කරුවන් හා කැනීමට යොදාගත් උපකරණ අද(20)දින කහටගස්දිගිලිය මහේස්ත්‍රාත්වරයා වෙත ඉදිරිපත් කිරිමට නියමිතය.
සිද්ධියට අදාල පරීක්ෂණ ගලෙන්බිදුණුවැව පොලිස් ස්ථානයේ ස්ථානාධිපති ප්‍රධාන පොලිස් පරික්ෂකD.M.S.J.දිසානායක මහතාගේ උපදෙස්පරිදි ගලෙන්බිදුණුවැව පොලිස් ස්ථානයේ නිලධාරීන් විසින් මෙහෙයවනු ලබයි.
-ගලෙන්බිදුණුවැව බාලසුරිය-