පළාත් පාලන මැතිවරණය සඳහා නාමයෝජනා කැඳවීමේ දැන්වීම අද (04) දිස්ත්‍රික් ලේකම්වරුන් මගින් නිකුත් කරන බව ජාතික මැතිවරණ කොමිසම පවසයි.
නාමයෝජනා කැඳවීමේ දැන්වීම පළකර දින 14 කින් පසු නාමයෝජනා භාරගන්නා බව කොමිසමේ ඉහළ නිලධාරියෙකු සඳහන් කරයි.
ඒ සඳහා දින තුන හමාරක කාලයක් ලබා දෙන බව ද ඔහු පවසයි.
අදාළ දැන්වීමේ, නාමයෝජනා භාර ගන්නා දිනය, ස්ථානය, ඇප මුදල් සම්බන්ධ විස්තර, අපේක්ෂයින් සංඛ්‍යාව, කාන්තා නියෝජනය ඇතුළු කරුණු ඇතුළත් වේ.
පළාත් ආයතන 341 න් ආයතන 340 ක් සඳහා මෙලෙස නාමයෝජනා කැඳවීමේ දැන්වීම නිකුත් වනු ඇති.