නුගේගොඩ, දෙල්කඳ ප්‍රදේශයේදී පොලිස් නිළධාරීන්ගේ රාජකාරියට බාධා කරමින් බලපෑම් කළ තරුණයා අත්අඩංගුවට ගෙන තිබේ.
මිරිහාන පොලීසිය විසින් අදාළ තරුණයා අත්අඩංගුවට ගෙන ඇති බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නීතිඥ නිහාල් තල්දූව මහතා පැවසීය.
රථවාහන වරදක් සම්බන්ධයෙන් දඩ පත්‍රිකාවක් ලබාදීමට උත්සහ කළ රථවාහන අංශයේ පොලිස් නිළධාරින් දෙදෙනෙකුට මෙම තරුණයා විසින් බැණවදින ආකාරය දැක්වෙන වීඩියෝවක් සමාජ මාධ්‍ය ඔස්සේ ප්‍රචාරය වී තිබුණි.
ඒ සම්බන්ධයෙන් සිදුකළ විමර්ශනයකින් අනතුරුව අදාළ තරුණයා අත්අඩංගුවට ගත් බව පොලිස් මාධ්‍ය ප්‍රකාශකවරයා වැඩිදුරටත් පැවසීය.